Агар мусофир ба ҷои намози қаср намозро пурра хонад, мешавад? Шахсе аз 22-солагӣ намозро оғоз кард, барои ӯ ҳатмист, ки солҳои пешро қазоӣ гузорад? Агар ҳа, чӣ тавр?

Ва алайкумуссалому ва раҳамтуллоҳ. Бародари азиз, барои мусофир воҷиб аст, ки намозро қаср хонад, агар қасдан намозро пурра хонад, ҷоиз аст, вале гунаҳкор мешавад. Намоз аз синни 12-солагӣ (яъне аз синни  балоғат) дар зиммаи мусулмон фарз мешавад, агар аз синни 22-солагӣ оғоз карда бошад, қазо доштани намозҳои фарз ва воҷиби солҳои пешин бо тадриҷ фарз аст, вале суннатҳо қазо надоранд. Чӣ тавре ки намози вақтиро мехонад, намози қазоиро низ ҳамон тавр мехонад.