Ассалому алайкум ва раҳматуллоҳ муфтии муҳтарам касе бигӯяд, ки аз кадом роҳе набошад агар шифо ёбӣ, боке надорад ба монанди кӯрхат кардан ё ҷодугари ва ғайра. Он шахс ба ин корҳо бениҳоят боварӣ дорад ва худ ҳамин корҳоро мекунад. Хоҳиш мекунам аз назари шариъати Ислом ҳукми ин гуна ашхосро баён кунед?!

Ва алайкумуссалому ва раҳматуллоҳи ва баракотуҳу. Бародари азиз, шифо ба изни Худованд танҳо дар ашёҳои ҳалол аст, аммо кӯрхат кардан барои ашёи гумшуда маъмул аст.  Ҷодугарӣ ва ба назди ҷодугар ё фолбин рафтан қатъиян мамнуъ аст ва касоне, ки муртакиби ин амал мешаванд, гунаҳгор ва аз дин хориҷ мешаванд, инчунин барояшон таҷдиди никоҳ лозим меояд. (Маъхаз: «Мирқот» шарҳи «Мишкот»)