дар бораи намози дили шаб, яъне намози таҳаҷҷуд, ният ва адади ракъатҳои он маълумоти пурра медодед. Оё азону иқомат, тасбеҳ ва тиловат кардан дар он лозим аст? Кадом сураҳо хонда мешавад?

Ассалому алайкум. Бародари азиз, таҳаҷҷуд ба маънои аз хоб бархостан аст. Аз ин лиҳоз намози таҳаҷҷуд бояд аз хоб бархоста хонда шавад. Яъне баъди намози хуфтан мехобад, сипас дар дили шаб аз хоб бархоста, баъди таҳорат аз 4 ракъат то 12 ракъат намоз мегузорад. Дар намози таҳаҷҷуд азону иқомат вуҷуд надорад ва сураи хоссе ҳам дар он хонда намешавад. Намози таҳаҷҷудро ба нияти нафл адо мекунад ва мисли намозҳои маъмулӣ мегузорад, хоҳ 2-ракъатӣ ният кунад, хоҳ 4-ракъатӣ, аммо 2-ракъатӣ авло мебошад. Пас аз адои таҳаҷҷуд тасбеҳу тиловат кардан амри ҳатмӣ нест, метавонад ба дуо иктифо кунад ва ё тиловати Қуръон анҷом диҳад.