Агар шахсе занашро се талоқ кунад, боз гирад, мешавад?

Ассалому алайкум. Бародари азиз, касе, ки ҳамсарашро се талоқ кунад, аз нигоҳи чаҳор мазҳаби аҳли суннат ва ҷамоат се талоқ воқеъ шуда, ҳамсараш бар ӯ ҳаром мегардад ва дигар наметавонад, ки бо ӯ якҷоя зиндагиро идома диҳад. Магар ин ки пас аз гузаштани идда ҳамсараш шавҳари дигар карда, бо ӯ зиндагӣ кунад. Агар фаразан шавҳари дувумаш бимирад ё ӯро талоқ диҳад, пас дар ин ҳолат баъд аз гузаштани иддаи марг (чор моҳу даҳ рӯз) ё иддаи талоқ (се ҳайз ё се моҳ) метавонад, ки бо ҳамсари аввалинаш издивоҷ намояд.