Мегуфтед, ки шахсе дуои қунутро надонаду намози витрро хонад, оё ба ҷои ин дуо метавонад панҷ бор сураи ,,Ихлос"-ро хонад? Илтимос, саҳеҳтар фаҳмонед. Иншоаллоҳ ин дуоро ба зудӣ аз бар хоҳад кард.

Ва алайкумуссалому ва раҳматуллоҳ. Бародари азиз, шумо метавонед, ки то вақти аз бар карданатон ба ҷои дуои қунут як бор ояти “Раббано отино фид-дунё ҳасанатан ва фил-охирати ҳасанатан ва қино азобан-нор”-ро бихонед ё ки се бор “Аллоҳуммағфир лӣ” бигӯед. Вале саъйу кӯшиш кунед, ки ҳарчи зудтар дуои қунутро ёд гиред. Худованд ба шумо илми нофеъ ато фармояд. (“Фиқҳи муяссар”, с. 126-127)