Ҳифзи сулҳу субот ва иҷтиноб аз душманони миллат

Имрӯз дар масҷиди марказии ба номи Ҳоҷӣ Яъқуби ш. Душанбе раиси Маркази исломии Ҷумҳурии Тоҷикистон Саидмукаррами Абдуқодирзода дар хутбаи намози ҷумъа оиди мавзӯи «Ҳифзи сулҳу субот ва иҷтиноб аз душманони миллат» суханронӣ намуд. Мавсуф аз ҳаводисе, ки дар кишварҳои исломӣ рух дода истодааст, ёдовар шуда, таъкид намуд, ки ҳифзи сулҳу субот ва худдорӣ аз фитнаву тавтеаҳо барои ҳар фарди мусулмон лозиму ҳатмӣ аст.

Номбурда изҳор дошт, ки кишварҳои абарқудрат бо пиёда кардани ҷангу нооромиҳо сарватҳои ин кишварҳоро аз худ намуда, ҳамзамон яроқу аслиҳаи худро мефурӯшанд, аммо мардуми мусалмон ба бадбахтию сарсонӣ гирифтор мешаванд. Имрӯз мебинем, ки баъзе гурӯҳҳо аз хориҷ маблағгузорӣ шуда, дар байни мусулмонон заминаи фитнаву нооромиро фароҳам месозанд. Аммо алҳамду лиллоҳ, аксарияти мардуми азизи кишвари мо дарк намудааанд, ки мусулмонкушӣ ба ҷуз азобу бадбахтӣ натиҷае надорад.

Хутбаи ҷумъа бо дуои намозгузорон дар ҳаққи мардуми кишвар анҷом ёфт.