Ба номи Худованди бениҳоят бахшанда ва бениҳоят меҳрубон

Ба истиқболи таҷлил ва бузургдошти Имоми Аъзам (р) дар соли 2009 бори нахуст китоби «Муснади Имом Абӯҳанифа» аз забони арабӣ ба тоҷикӣ тарҷума шуда, бо теъдоди 600 нусха нашр гардида буд. Инак, нашри дуюми ин асари гаронбаҳои Имоми Аъзам (р) бо таҳриру иловаҳо дар дасти шумост. Итминони комил дорем, ки нашри такмилёфта ва таҳриршудаи «Муснади Имом Абӯҳанифа» барои ҳама мусалмонони Тоҷикистон, хоссатан ҷавонони толибилм, маводи хуби омӯзишӣ хоҳад буд.