Масҷиди ҷомеи ба номи Ҷалолуддини Румӣ дар ноҳияи Шоҳмансури шаҳри Душанбе бунёд ёфтааст. Масҷид дар масофаи 2 км болотар аз шоҳроҳи Душанбе – Ваҳдат ҷойгир шудааст. Масҷиди мазкур соли 1989 бунёд гардида, то соли 2006 фаъолият мекунад. Соли 2006 масҷид таъмиру азнавсозӣ шуда, корҳои сохтмонии он бо дастгирӣ ва саҳмгузории мардони саховатпеша, соҳибкорони ватанӣ ва мардуми маҳаллаи “Бӯстон -3”-и ноҳияи Шоҳмансур ба итмом мерасад.

Бинои масҷид дуошёна буда, дорои ду манораи бузург, таҳхона барои намозгузорӣ, ду айвон дар ошёнаи аввал ва дорои се айвон дар ошёнаи дувум мебошад.

Таҳхонаи масҷид 12 сутун дошта, 800 ҷойи намозгузорӣ дорад. Толори якум низ 12 сутун дошта, 800 нафар намозгузорро мегунҷонад. Ошёнаи дуюм низ дорои 12 сутун буда, 900 нафарро дар худ ҷой медиҳад. Дар маҷмуъ дохили толорҳо ва айвонҳои масҷид дар як ваќт 2500 намозгузорро мегунҷонад.

Деворҳо ва сутунҳои масҷид бо гач ва санги мармар оро дода шудаанд. Манораи масҷид аз хишти пухта сохта шуда, 20 м баландӣ дорад ва бо кошинҳои сафолӣ ороиш ёфтааст.