Иди саиди Рамазон дар қаламрави ҷумҳурии Тоҷикистон рўзи якшанбе 24-уми май таҷлил карда мешавад.

Шӯрои уламои Маркази исломии Ҷумҳурии Тоҷикистон тибқи хулосаи институти Астрофизикаи АИҷТ санаи иди саиди  Рамазонро муайян намуд ва чунин қарор қабул кард:

1. Мувофиқи ҳисоби илмӣ Иди саиди Рамазон дар тамоми қаламрави ҷумҳурии Тоҷикистон рўзи якшанбе 24-уми май таҷлил карда шавад.
2. Вобаста ба шароити пешомада, ки аз ихтиёри мо берун аст, ҳар як намозгузор дар вақти намози ид дар манзили худ ба зикру ниёиш ва дуруду дуо машғул шавад.
3. Бо дарназардошти вазъи кунунӣ ва паст намудани сатҳи камбизоатӣ садақаи фитр ба ниёзмандону бенавоён ва закот дар баробари ба ниёзмандону маъюбон, ятимон, инчунин ба суратҳисоби махсуси ёрӣ ба беморони COVID-19 дода шавад.