Иштирок ва суханронии Саидмукаррам Абдуқодирзода-Раиси Шўрои уламои Маркази исломӣ дар кори Конференсияи илмӣ - амалӣ дар мавзӯи

Иштирок ва суханронии Саидмукаррам Абдуқодирзода-Раиси Шўрои уламои Маркази исломӣ дар кори Конференсияи илмӣ - амалӣ дар мавзӯи " Қонуни танзим - омили рушди мафкураи миллӣ".

         Саидмукаррам Абдуқодирзода – рўзи 6-уми июни соли ҷорӣ дар кори Конференсияи илмӣ - амалӣ дар мавзуи " Қонуни танзим - омили рушди мафкураи миллӣ", ки  бо ибикори Маркази исломшиносӣ дар назди Президенти Ҷумҳурии Тоҷикистон ва Кумитаи дин, танзими анъана ва ҷашну маросими назди Ҳукумати Ҷумҳурии Тоҷикистон, дар толори маҷлисгоҳи  Донишкадаи исломии ба номи Имоми Аъзам баргузор гардид, иштирок ва суханронӣ намуданд.

          Дар Конференсия намояндагони Дастгоҳи иҷроияи Президенти Ҷумҳурии Тоҷикистон, Маркази исломшиносӣ дар назди Президенти Ҷумҳурии Тоҷикистон, Маркази исломии Тоҷикистон ва олимону муҳаққиқони соҳа иштирок ва дар бораи самаранокии татбиқи Қонуни Ҷумҳурии Тоҷикистон " Дар бораи танзими анъана ва ҷашну маросим" маърӯза намуданд.

           Раиси Шўрои уламо зимни баромади худ қайд карданд, ки тавассути ин қонун боз ҳам дар шуури мардум он андеша маҳкам ҷо гирифт, ки хурофоту таассуб, зиёдаравию худнамоишдиҳӣ ҳеҷ робитае бо асли дини мубини Ислом надорад. Дин дар асли хеш фитрати солими инсонӣ ва рушд аст, ҷузъи муҳимтарини фарҳанги миллист. Модом, ки чунин аст, он ҳамеша барои пешрафти ҷомеа хидмат мекунад.

           Инчунин таъкид намуданд, ки мазмуну муҳтавои қонуни танзим баёнгари он ҳақиқат аст, ки мо бояд ба қадри неъматҳои илоҳӣ бирасем ва онҳоро ба тақозои ақлу андешаи солим истифода намоем, чунки камхарҷу сарфакорона гузаронидани тӯю маъракаҳо ва азову мотам муассиртарин омили баланд шудани сатҳи зиндагии мардум ба шумор меояд. Калиди сарвату дороии ҳар фарди ҷомеа сарфаву сариштакорӣ аст.

          ҳамзамон иштрокчиён қайд намуданд, ки қонуни мазкур бо тақозои рушди ҷомеа анъана ва ҷашну маросимҳоро танзим намуда, ба ҳифзи арзишҳои асили фарҳанги миллӣ ва эҳтиром ба суннатҳои мардумӣ барои баланд бардоштани сатҳи иҷтимоию иқтисодии ҳаёти шаҳрвандони Ҷумҳурии Тоҷикистон равона гардидааст.