Оғози моҳи шарифи Рамазон 2018

Раёсати Шӯрои уламои Маркази исломии Ҷумҳурии Тоҷикистон хабар медиҳад, ки мувофиқи ҳисоби тақвимӣ ва маълумоти Пажўҳишгоҳи астрофизикаи Академияи илмҳои Ҷумҳурии Тоҷикистон имсол моҳи мубораки Рамазон дар қаламрави кишвар ба рӯзи панҷшанбе - 17-уми май рост меояд. Дар асоси маълумоти Пажўҳишгоҳи мазкур муайян гардид, ки рӯзи 29-уми моҳи шаъбон мутобиқ ба 15-уми майи соли 2018 соати 16⁴⁸ ҳодисаи астрономии “Моҳи нав” рух медиҳад ва дар ин вақт мушоҳида кардани моҳи нав дар уфуқ ғайриимкон аст. Аз ин лиҳоз, моҳи шаъбон 30 рӯз ҳисобида шуда, 16-уми май ба анҷом мерасад ва 17-уми май рӯзи аввали моҳи шарифи Рамазон фаро мерасад.