Савол № 02240
Ман вақте таҳорат ё оббозӣ мекунам, хаёл мекунам, ки пок нашудаам, сабабш чист? Ҳангоми расидани даст ё пойам ба чизе гумон мекунам, ки таҳоратам шикастааст ва ҳама чиз дар назарам бенамоз аст. Ин беморӣ дар вуҷуди ман зиёд ва вазъиятам рўз ба рўз бад шуда истодааст.
Савол:
Ман вақте таҳорат ё оббозӣ мекунам, хаёл мекунам, ки пок нашудаам, сабабш чист? Ҳангоми расидани даст ё пойам ба чизе гумон мекунам, ки таҳоратам шикастааст ва ҳама чиз дар назарам бенамоз аст. Ин беморӣ дар вуҷуди ман зиёд ва вазъиятам рўз ба рўз бад шуда истодааст. Рўзҳои охир бисёр асабонӣ мешавам, суханҳои қабеҳ бисёр мегўям ва баъзан фикри худкуширо мекунам. Илтимос, кумак кунед.
Саволдиҳанда: Фаридун
Ҷавоб:
Ассалому алайкум. Бародари азиз, шумо ба бемории васвос гирифтор шудаед, аз ин рў, вақте ки таҳорат мекунед, обро исроф накунед ва ба васвасаҳои шайтонӣ эътибор надиҳед, зикри Худоро бисёр гўед, хусусан зикри “Ло ҳавла ва ло қуввата илло биллоҳ”-ро бисёр такрор кунед, илова бар ин, ба мутолиаи ягон китоби панду ҳикмат машғул шавед, иншоаллоҳ аз ин беморӣ халос мешавед.
