Ободонии ҷомеа мароми ҳар яки мо аст

Саъйу талош кардан баҳри ободонии ҷомеа ва таъмини зиндагии саодатмандона барои ҳар фарди мусулмон ҳатмӣ ва зарураст. Чунки дунё киштзоре барои ҷаҳони охират аст ва ҳадафи мусулмон аз кору пайкораш дар ин дунё касби рӯзии ҳалол, эҳсону некӣ кардан ба афроди ҷомеа ва ободии кишвару ватан аст. Рӯзҳои истироҳатӣ чун дигар шаҳрвандони пойтахти азизамо шаҳри Душанбе кормандони Маркази исломӣ низ барои тозаву озода намудани гирду атрофи масҷиди ҷомеи марказӣ ба ҳашари умумӣ баромаданд. Кормандони Марказ бо як дилгармии самим бехи дарахтонро нарм карда, саҳни масҷид ва атрофи онро тозаву озода намуданд. Аҳли Марказ ният доранд, ки дар омад-омади фасли баҳор ба хотири боз ҳамтозаву зеботар шудани пойтахти кишвари азизамон шаҳри Душанбе ва симои масҷиди марказӣ саҳми худро гузоранд.