Дарсҳои омӯзишӣ барои имомон ва имомхатибон

Аз 12 то 15-уми апрели соли 2017 дар бархе аз шаҳру ноҳияҳои вилояти Хатлон аз ҷониби Кумитаи оид ба корҳои дин, танзими анъана ва ҷашну маросимҳои миллии назди Ҳукумати Ҷумҳурии Тоҷикистон соатҳои омӯзишӣ доир гардид. Дар ҷараёни баргузории ин чорабинӣ намояндагони Кумита ва Маркази исломии Ҷумҳурии Тоҷикистон, инчунин кормандони соҳаи дин, танзими анъана ва ҷашну маросимҳои миллӣ дар шаҳру ноҳияҳо иштирок намуданд. Дар рафти соатҳои омӯзишӣ, ки шунавандагони онро кормандони минтақавии соҳа ташкил медоданд, мавзӯоти гароиши ҷавонон ба ҷараёнҳои ифротӣ, ҷараёни татбиқи Қонуни Ҷумҳурии Тоҷикистон “Дар бораи танзими анъана ва ҷашну маросимҳо дар Ҷумҳурии Тоҷикистон”, ҳифзу нигаҳдошти асолати мазҳаби ҳанафӣ ва иҷрои қонунҳои соҳавӣ мавриди таҳлилу баррасӣ қарор дода шуданд.