ҲАМКОРИҲОИ СОЗАНДА ВУҶУД ДОРАНД

Шӯрои уламои Маркази исломии Ҷумҳурии Тоҷикистон баъди мутолиаи ахбори расонаҳо дар робита ба изҳороти муфтии шаҳри Москва Альбир Крганов хабар медиҳад, ки ҳамкориҳои ин ҷониб бо ниҳодҳои расмии динии Федератсияи Русия дар сатҳи хуб қарор дорад. Намояндагони Шӯрои уламо, аз ҷумла Раиси Шӯро Саидмукаррам Абдуқодирзода дар гузашта барои иштирок дар ҳамоишҳои динии Федератсияи Русия ба ин кишвар сафар карда, дар доираи он бо чанд гурӯҳе аз муҳоҷирони тоҷик низ дидору мулоқотҳо анҷом дода буд. Шӯрои уламои Маркази исломӣ дар оянда низ бо истифода аз фурсатҳои фароҳам ҳамкориҳои худро тақвият хоҳад дод.