ТЕРРОРИСТОН-ДУШМАНОНИ ДИНУ МИЛЛАТ!

Ҳодисаи террористие, ки 6 ноябр соли 2019 дар минтақаи наздисарҳадии кишвар иттифоқ афтод, мо ходимони динро хеле нороҳат кард. Зеро гурӯҳе даст ба ҷинояту террор зад, ки мутаассифона аз номи ислом баромад мекунаду исломро ба худ ниқоб қарор медиҳад. Дар асл онҳо аз ислом як заррае хабар надоранд, агар онҳо воқеан исломро мешинохтанд ва аз ин дини пок бохабар мебуданд, ҳеҷ гоҳ ба ин амали террористӣ даст намезаданд ва сабаби кушта шудани мусалмоне намешуданд. Зеро ки Худованди мутаол дар Қуръони азимушшаънаш мефармояд: “Ҳар кас як нафарро қасдан ба қатл расонад, гӯё ки хамаи мардумро ба қатл расонидааст ва ҳар кас ки сабаби зиндагии касе шавад, гӯё ки сабаби зиндагии тамоми мардум шудааст”. Оё ин гурӯҳи палид  мехохад бо ин амал давлати тинҷу ободи моро халалдор созад ва мусалмонро бо дасти мусалмон аз байн барад? Мо бояд зиракии сиёсиро аз даст надиҳем ва дучори фитнаву тафриқаи душманони дину миллат нагардем, ҷавонҳои мо ҳушёр бошанд, то дар доми ин гурӯҳи фитнаангезу золим наафтанд. Мо бояд ба қадри ин тинҷиву оромии кишвар бирасем ва барои пешрафти кишвари азизамон ҳиссаи худро гузорем

Илҳом Аминов,

имомхатиби масҷиди ҷомеи  Муҳаммад Иқболи ш. Истаравшан