БА ИФТИХОРИ СИ СОЛАГИИ ИСТИҚЛОЛИЯТ

Номи неки Тоҷикистон ифтихори давлат аст,

Нақши заррин – Рўзи Ваҳдат зарнигори давлат аст.
Барқи неругоҳи Роғун дар замони илму фан
Обрўи миллату ҳам иқтидори давлат аст.
Кишвари мо – Тоҷикистон сарзамини оби соф,
Рушди ҳифзи оби дунё ибтикори давлат аст.
Ҳар бинову нақбу пул бар мардумаш бошад мадад,
Илму фан, навоварӣ ҳам дастиёри давлат аст.
Пешрафти иқтисодӣ эҳтимоми Пешвост,
Рушди бемайлон сутуни устувори давлат аст.
Обрўи фарди тоҷик, ту бидонӣ, эй Ҳусайн,
Эътимоду эҳтирому эътибори давлат аст.

ҲОҶӢ ҲУСАЙНИ СУҒДӢ