Савол № 01078
Мо як ҳамсоя дорем, ки ҳангоми ба пешаш овардани ширбиринҷ ба назди он бармехезад. Оё ин амали ӯ аз назари дини Ислом чӣ гуна аст? Медонам, ки ин кори ӯ хатост, аммо бо далел мефаҳмондед.
Савол:
Ассалому алайкум домуллои гиромиқадр. Мо як ҳамсоя дорем, ки ҳангоми ба пешаш овардани ширбиринҷ ба назди он бармехезад. Оё ин амали ӯ аз назари дини Ислом чӣ гуна аст? Медонам, ки ин кори ӯ хатост, аммо бо далел мефаҳмондед. Оё аз паси ин кас намоз гузоридан дуруст аст?
Саволдиҳанда: Мунира
Ҷавоб:
Ва алайкумуссалому ва раҳматуллоҳ. Хоҳари азиз, пеши ширбиринҷ бархостан ба умури дин ҳеҷ рабте надорад. Ин ҷо фикру ақидаи он шахс муҳим аст, ки ба кадом нияту эътиқод пеши ширбиринҷ бармехезад. Аз паси ин шахс намоз гузоридан ҷоиз аст, зеро ақидаи аҳли суннат ва ҷамоат ин аст, ки аз паси ҳар некӯкор ва бадкирдор намоз гузорида шавад.
2017-04-30
2829
