Лутфан, дар мавриди рӯза доштан ё надоштан ҳангоми ҳайз назаратонро тибқи дастури дини Ислом равшан мекардед. Агар муддати ҳайз 10 рӯзро дар бар гирад, ҷараёни рӯзадорӣ чӣ гуна бояд сипарӣ шавад. Оё ҳамин 10 рӯз рӯза нагирем ё се рӯзи аввал?

Ассалому алайкум. Хоҳари азиз, зан дар рӯзҳои узраш рӯза намедорад, мабодо рӯза ҳам гирад, аз рӯза ҳисоб намешавад. Тибқи мазҳаби Имоми Аъзам (р) камтарин муддати ҳайз се рӯз ва аксари он 10 рӯз аст. Агар ҷараёни хун дар 3 рӯз манъ шавад, рӯзаро идома медиҳад, агар то 10 рӯз муддати узраш тӯл кашад, аз рӯза худдорӣ мекунад, пас аз итмоми муддат рӯзаро идома медиҳад. Ногуфта намонад, ки барои ҳар хоҳар муддати узраш маълум аст, айёми узрашро баъд аз Рамазон қазо медорад. (“Мухтасарул-виқоя”, с. 7)