Агар шахси рӯзадор дар хоб эҳтилом шавад, рӯзааш мешиканад? Шахси мазкур дар чунин ҳолат бояд чӣ корҳоро иҷро намояд?

Ассалому алайкум. Бародари азиз, ба сабаби эҳтилом рӯза намешиканад ва дар он ягон халале ворид намешавад. Агар шахси рӯзадор рӯзона эҳтилом шавад, ғусл карда, рӯзаро идома медиҳад. Агар шабона ин ҳолат рух диҳад ва барои саҳархӯрӣ фурсати зиёд бошад, аввал ғусл мекунад, агар вақт танг аст ва фурсат барои ғусл набошад, дар ин ҳолат вузӯ карда, саҳархӯрӣ мекунад, сипас фавран ғусл месозад, то ки рӯзааш макрӯҳ нашавад.