Зане ҳомила аст ва қуввати рўза доштанро дорад, лекин дар бадани ў бемории зардпарвин мушоҳида гардида ва духтур мегўяд рўзаашро бихўрад, зеро барои тифли батнаш зарар дорад. Мегўянд, рўза нисф шудааст, хўрданаш дуруст намешавад. Оё ин дуруст аст? Дар ҳаққи мо дуогў бошед.

Ассалому алайкум. Бародари азиз, модоме ки инсон бемор аст ва илова бар ин табибон ба хўрдани рўзааш тавсия додаанд, метавонад рўзаро хўрда, пас аз моҳи муборак дар замони муносиб қазои онро ба ҷо меорад. Дар кадом рўзи моҳ рух додани беморӣ муҳим нест.  Худованд ба шумо тавфиқу комёбӣ ва ба беморатон шифои комилу оҷил ато фармояд.