Се бародар бо волидайнашон дар як хона зиндагӣ доранд ва маблағи ҳама як ҷо аст, оё закоти худро ба хоҳарашон, ки шавҳар кардааст, дода метавонанд?

Ва алайкумуссалому ва раҳматуллоҳ. Бародари азиз, дар ин масъала додани закот ба хоҳар дар сурате дуруст мешавад, ки бародарон ҳиссаи маблағи падарро аз маҷмўи маблағи ҷамъомада ҷудо карда, аз моли холиси худашон закот пардозанд, зеро падар наметавонад, ки закоташро ба фарзанди худ бидиҳад.