Савол № 02909
Домуллои азиз, мегуфтед, ки дар куҷои китоби Қуръон дар бораи намоз хондан қайд карда шудааст?
Савол:
Ассалому алайкум ва раҳматуллоҳи ва баракотуҳу! Домуллои азиз, мегуфтед, ки дар куҷои китоби Қуръон дар бораи намоз хондан қайд карда шудааст?
Саволдиҳанда:Анвар
Ҷавоб:
Ваалейкумус- салом бародари азиз. Дар ояти 17-18 сураи «Рум» Худованди мутаъол мефармояд: «Аллоҳро ситоиш кунед ҳангоме ки шом бароятон фаро расад ва чун субҳ барояд! Ӯ дар осмон ва дар замин ситоиш дорад. Нимаи нисфирӯзӣ ва пас аз нисфирӯзӣ Ӯро ситоиш кунед!» Инчунин дар ояти 114–уми сураи «Ҳуд» Худованд мефармояд:
«Ва намозро ду тарафи рӯз ва соате чанд аз шаб барпо дор; ҳамоно тоатҳо гуноҳонро дур мекунанд. Ин барои пандпазирон панде аст».
2023-11-16
976
