Оиди никоҳе, ки ҷуз духтару писари никоҳшаванда ва шахси никоҳкунанда касе огоҳ нест ва ин никоҳ танҳо барои пешгирӣ аз муносибатҳои ҳаром ва ё ноҷоиз аст, Ислом ва мазҳаби мо чӣ мегӯянд? Хоҳишмандам, ин мавзӯъро ба таври комил шарҳ диҳед.

Ваалайкумуссалому ва раҳматуллоҳи ва баракотуҳу. Бародари азиз, аз нигоҳи шариати Ислом никоҳи бе шоҳид эътибор надорад. Дар мазҳаби Имоми Аъзам (р) ба шарте ки духтар ба балоғат расад, никоҳ карданаш бе иҷозати валӣ дуруст аст, аммо агар шавҳаршавандааш ба ӯ куфв(яъне муносиб ва ҳамшаън) намебошад валӣ пеши қозӣ метавонад, ки даъво кунад ва никоҳи онҳоро ҷудо намояд.