Салом домуллои азиз, агар пас аз пешоб кардан ё ҳангоми каме шаҳват беихтиёр манӣ биёяд, ғусл воҷиб мегардад ё на?

Ва алайкумуссалом ва раҳматуллоҳ. Бародари азиз, агар манӣ беихтиёр ва бидуни шаҳват хориҷ шавад, ғусл воҷиб намешавад, вале агар бо шаҳват хориҷ шавад, дар ин сурат албатта ғусл воҷиб мегардад. Ҳамчунин агар аз хоб бедор шуда, дар либосаш тарӣ бубинад, ғусл кардан бар вай воҷиб мешавад. Назари Имоми Аъзам (р) ва Муҳаммад (р) барои воҷиб шудани ғусл ин аст, ки вуҷуди шаҳват дар вақти ҷудо шудани манӣ аз камар кофӣ аст. Аммо аз назари Имом Абӯюсуф (р) вуҷуди шаҳват ҳам дар вақти ҷудо шудани манӣ аз камар ва ҳам дар вақти хориҷ шудан аз олати таносул шарт аст.