Ҳангоми дар оғӯш гирифтани зани худ ё бӯсидан аз лабаш таҳорат мешиканад? Дар кадом ҳолат таҳорат мешиканад?

Ассалому алайкум. Бародари азиз, дар ин ҳолат агар обе аз бадан хориҷ шавад, таҳорат мешиканад, агар об хориҷ нашавад, таҳорат барқарор аст. Таҳорат дар ҳолатҳои зерин мешиканад: 1. Хориҷ шудани наҷосат ба монанди пешоб, ахлот, манӣ, мазӣ ва ғайрааз роҳи пеш ва паси инсон. 2. Берун шудани хун ва зардоб аз бадан. 3. Қай кардан, бо пурии даҳон. 4. Девонагӣ. 5. Беҳушӣ. 6. Хуруҷи бод аз қафо. 7. Бо такя ё ба паҳлу хобидан. 8. Хандидан дар намоз ба тавре ки дигарон шунаванд.