Раиси Шӯрои уламои Марказӣ Саидмукаррам Абдуқодирзода аъзои Шўроро ба муносибати даҳаи Зулҳиҷҷа ва омад-омади Иди саиди Қурбон табрику таҳният гуфтанд. Раиси Маркази исломӣ қайд карданд, ки мувофиқи далелҳои илмӣ ва дар асоси хулосаи Институти астрофизикаи Академияи миллии илмҳои Ҷумҳурии Тоҷикистон рўзи Иди саиди Қурбон дар кишвар ба рўзи шанбе 9-уми июл рост меояд.

Рўзи 12.05.2022 дар асоси нақшаи чорабиниҳо Раиси Шўрои уламои Маркази исломӣ Саидмукаррам Абдуқодирзода ба Донишгоҳи давлатии тиҷорати Тоҷикистон ташриф оварда, бо устодон ва донишҷўёни ин боргоҳи илму маърифат дар мавзӯъҳои “Стратегияи муқовимат ба экстремизм ва терроризм дар Ҷумҳурии Тоҷикистон барои солҳои 2021-2025” ва “Барномаи давлатии муқовимат ба ҷинояткорӣ дар Ҷумҳурии Тоҷикистон барои солҳои 2021-2030” вохўрии судманд анҷом доданд.

Раиси Шӯрои уламои Марказӣ Саидмукаррам Абдуқодирзода аъзои Шўроро ба муносибати омад-омади Иди саиди Рамазон табрику таҳният гуфтанд. Раиси Маркази исломӣ қайд карданд, ки мувофиқи далелҳои илмӣ ва дар асоси хулосаи Институти астрофизикаи Академияи миллии илмҳои Ҷумҳурии Тоҷикистон рўзи Иди саиди Рамазон дар кишвар ба рўзи душанбе 2-юми май рост меояд.

Дар доираи татбиқи банди 6-уми нақшаи фаъолияти Ҳаракати ваҳдати миллӣ ва эҳёи Тоҷикистон рӯзи 19 апрели соли 2022 дар толори калони Мақомоти иҷроияи ҳокимияти давлатии шаҳри Конибодом дар мавзӯи «Оқибатҳои ногувори таассубу хурофотпарастӣ ва омилҳои пешгирии он дар ҷомеа» мулоқоти судманд баргузор гардид. Дар ин мулоқот фаъолони шаҳр, намояндагони ҳифзи ҳуқуқ, кормандони ҷамоатҳою деҳот, имомхатибон, собиқадорону ҷавонони ватандӯсти шаҳри Конибодом ҳузур доштанд.

Раёсати Маркази исломии Ҷумҳурии Тоҷикистон ҳамаи Шуморо бо фарорасии моҳи мубораки Рамазон табрику муборакбод гуфта, барои ҳамагон тавфиқи тоату ибодат, сабру таҳаммул дар адои фаризаи рўза таманно менамояд ва аз Худованди меҳрубон масъалат дорад, ки аъмоли ҳамаи моро ба даргоҳи хеш қабул фармояд.