Асосӣ Хабарҳо Қарори Шӯрои уламои Маркази исломӣ дар бораи рўзи Иди саиди Рамазон

Қарори Шӯрои уламои Маркази исломӣ дар бораи рўзи Иди саиди Рамазон

Қарори Шӯрои уламои Маркази исломӣ дар бораи рўзи Иди саиди Рамазон
2018-06-07
5257

Имрӯз соати 10.00 дар Маркази исломии Ҷумҳурии Тоҷикистон ҷаласаи навбатии Шӯрои уламо баргузор гардид.

Нахуст дар назди уламои кишвар, раиси Шӯрои уламои Марказии исломии ҷумҳурӣ Саидмукаррам Абдуқодирзода суханронӣ намуда, аҳли нишастро ба муносибати даҳаи мубораки Рамазон ва омад-омади Иди саиди Рамазон табрику таҳният гуфт.

Сипас Раиси Маркази исломӣ ҳозиринро бо рўзномаи маҷлис ошно намуда, қайд кард, ки мувофиқи ҳисоби илмӣ рўзи Иди саиди Фитр Рамазон дар кишвар ба рўзи 15-уми июн рост меояд.

Пас аз баррасии масъалаҳои рўзномаи маҷлис аъзои Шӯрои уламо чунин қарор қабул карданд:

  1. Мувофиқи ҳисоби илмӣ Иди саиди Рамазон дар тамоми қаламрави ҷумҳурии Тоҷикистон рўзи ҷумъа 15-уми июни соли 2018 таҷлил карда шавад.
  2. Вақти баргузории намози Иди саиди Рамазон соати 6-00 дақиқа муайян карда шавад.

Дар анҷоми маҷлис раиси Маркази исломии Тоҷикистон Саидмукаррам Абдуқодирзода аз имомхатибон талаб кард, ки дар мавъизаҳояшон роҷеъ ба неъмати бебаҳои сулҳу оромӣ суханронӣ намуда, дар дастгирии ятимону пиронсолон ва табақаи ниёзманди ҷомеа, рушду шукуфоии кишвари азиз саҳми худро гузоранд.

Маҷлис бо дуои хайри аҳли нишаст дар ҳаққи Пешвои миллат ва мардуми кишвар ҳусни анҷом пазируфт.

Вақти намоз дар Душанбе
Бомдод05:07
Пешин13:00
Аср15:57
Шом17:56
Хуфтан19:26
Суханронии Президент
Паёми телевизионӣ ба муносибати Иди саиди Қурбон

Паёми телевизионӣ ба муносибати Иди саиди Қурбон

Муфассалтар
Суханронии Раиси
Маркази Исломӣ
Табрикоти Раиси Шўрои уламои Маркази исломии ҷумҳурии Тоҷикистон ба муносибати иди саиди қурбон

Табрикоти Раиси Шўрои уламои Маркази исломии ҷумҳурии Тоҷикистон ба муносибати иди саиди қурбон

Муфассалтар