ИҒВОГАРОНРО БОВАР НАМЕКУНЕМ

ИҒВОГАРОНРО БОВАР НАМЕКУНЕМ

Чандрӯз мешавад, ки дар пойтахти Ҷумҳурии Лаҳистон шаҳри Варшава ҷаласаҳои марбут ба ҳуқуқи инсон идома дорад. Дар ин ҷаласа аз аксари кишварҳои дунё намояндагон иштирок менамоянд. Дар баробари ҳайати расмии Ҷумҳурии Тоҷикистон як гурӯҳ авбошон ва хоиноне, ки ободии кишварро дида наметавонанд, низ иштирок намуда, худро ҳомии ҳуқуқ нишон доданӣ мешаванд.

Бояд гуфт, ки ин хоинони миллат мисли мор дар бағал худро дӯст нишон медиҳанд,  аммо дар воқеъ душманони ин миллат ва халқ буда, аз душмании хеш ҳоло ҳам тавбаву пушаймонӣ накардаанд.

Шукри Худованд, ки кишвари мо орому осуда аст. Мардум озодона кору фаъолият карда истодаанд. Дигар ба иғвогарону фитнаҷӯён бовар намекунем. Мо Ватанамон ва Пешвои Миллатамонро дӯст медорем.

Ба он хоинон гуфтаниам, ки мисли дигар роҳгумкардаҳое, ки изҳори пушаймонӣ карда мавриди авфи Роҳбари дилсӯзамон қарор гирифта, имрӯз озодона паи пешбурди зиндагӣ ҳастанд, аз миллат ва Пешвои Миллат Ҷаноби Олӣ мӯҳтарам Эмомалӣ Раҳмон узрхоҳӣ намуда ба кишвар оеду паи зиндагии осуда шавед. Аз ин тафриқаандозиҳо ҳеҷ нафъе намебардоред.

Шарофиддин Фозилов,

Имомхатиби масҷиди ҷомеи ба номи Имом Абӯҳанифаи ш. Ҳисор