Вақтҳои охир бисёр даъват мекунанд, ки аз ҳолатҳои шубҳанок ба милисаҳо хабар диҳед. Оё хабар кашидан ба милиса гуноҳ нест? Дар кадом ҳолат ба мақомот бояд хабар кашид ва дар кадом ҳолат на?

Ва алайкумуссалому ва раҳматуллоҳ. Бародари азиз, ба мақомот хабар додан кори хайр аст, агар туҳмат ё ғарази шахсӣ набошад. Ҳар фарде, ки шубҳанок аст ё амалҳое анҷом медиҳад, ки ба амну суботи ҷомеа ва одобу ахлоқи он зарар ё хатар эҷод мекунад, аз қабили даст задан ба фурўши маводи мухаддир, таҳдид кардан ё зарари ҷисмонӣ расонидан ба касе, инчунин ба қонунҳои мавҷуда эҳтиром нагузоштан, ин гуна фард сазовори тарбия аст ва бояд тарбия карда шавад.