Шавҳарам аз Русия тавассути телефон бо ман ҷанҷол кард ва тариқи паёмак “ҷавобатро додам” навишт. Пас аз чанд рўз тамос гирифта, боз ҷанҷол кард ва ин дафъа навишт, ки “се бор миллион талоқат кардам”. Акнун пушаймон аст ва мехоҳад, ки дубора никоҳ кунем. Оё мо метавонем, ки дубора никоҳ кунем?

Ва алайкумуссалому ва раҳматуллоҳ. Хоҳари азиз, лафзи “ҷавобатро додам” аз алфози кинояи талоқ аст ва дар ҳолати далолати ҳол ё вуҷуди ният бо ин лафз талоқ воқеъ мегардад. Барои посухи саҳеҳ додан ба масъалаи шумо шунидани тафсилоти моҷаро аз забони худи шавҳаратон зарур аст, бинобар ин, дар сурати имкон шавҳаратон ба Раёсати фатво муроҷиат кунад.