Аз ҷониби Худованд чанд китоб фиристода шудааст?

Худованд (ҷ) ба баъзе аз пайғамбарони худ китоб ва саҳифаҳо нозил кардааст, то амру наҳй ва ҳикмату иродаашро ба бандагонаш расонад. Теъдоди мушаххаси ин китобҳоро фақат Худованд медонад. Аз миёни китобҳои осмонӣ чаҳор китоб ва сад саҳифа маълум аст, ки ба воситаи Ҷабраил (а) ба пайғамбарон фиристода шудааст. Даҳ саҳифа ба Одам (а), панҷоҳ саҳифа ба Шис (а), сӣ саҳифа ба Идрис (а), даҳ саҳифа ба Иброҳим (а) фиристода шудааст, ки ҷамъан сад саҳифаро дарбар мегирад. Китобҳое, ки ба баъзе пайғамбарон фиристода шудааст, инҳоянд: Таврот ба Мўсо (а), Забур ба Довуд (а), Инҷил ба Исо (а) ва Қуръони карим ба Муҳаммад (с) нозил шудааст. Бо нузули Қуръон ҳукмҳои се китоби қаблӣ бардошта шуд. Қуръони карим то рўзи қиёмат дар зери ҳимояи Худованд аст ва таѓйир нахоҳад ёфт.