Ассалому алайкум. Дар моҳи шарифи Рамазон оё мумкин аст, ки ҳангоми гарм шудани бадан оббозӣ кунем? Дар ҳаммом, дарё, обанбор (бассейн) ва ғайра мумкин аст?

Ва алайкумуссалому ва раҳматуллоҳ. Дар ҳолати рӯза оббозӣ кардан дар ҳаммом ё наҳр ва ё обанбор рӯзаро намешиканад, аммо бояд эҳтиёт намуд, ки об дар даҳону бинӣ дохил нашавад. Дар китоби «Ал-Фиқҳул-исломийю ва адиллатуҳу», ҷ. 3, с. 1710 -11 дар мавриди чизҳое, ки рӯзаро намешикананд, овардааст: «Ҳафтум: ғусл кардан ё шиноварӣ, печонидани либоси тар дар бадан барои дур намудани ҳарорат». Аз ин далел бармеояд, ки ғусл намудан ё оббозӣ кардан рӯзаро намешиканад, вале эҳтиёт кардан дар ин маврид беҳтар аст.