Савол № 00546
Ман дар корхонаи давлатие кор мекунам. Соати кории ман аз 8-00 то 17-00 мебошад. Ман намози пешинро дар вақташ хонда наметавонам. Дар тақвими намозҳо омадааст, ки пешин дар ҳоли ҳозир ...
Савол:
Ассалому алайкум бародари гиромӣ. Саволе дорам, ки мехоҳам ҷавобашро аз шумо пурсон шавам. Ман дар корхонаи давлатие кор мекунам. Соати кории ман аз 8-00 то 17-00 мебошад. Ман намози пешинро дар вақташ хонда наметавонам. Дар тақвими намозҳо омадааст, ки пешин дар ҳоли ҳозир то соати 17-56 дақиқа хондан мумкин аст. Лутфан бигӯед, ки то ин вақт намози пешинро даҳ ракъат хондан равост ё танҳо 4 ракъати фарзро хонад, басанда аст. Зеро ман то ба хона мерасам, ки соат 17-20 дақиқа мешавад. Зуд таҳорат карда, намози пешинро 10 ракъат мехонам, лекин яке аз ҳамкоронам мегӯяд, ки он раво нест, ту бояд танҳо 4 ракъат фарзро хонӣ 6 ракъат суннат қазо мешавад, то ин дам. Илтимос ба ҳамин саволи ман рӯшанӣ андозед. Қаблан аз Шумо сипосгузорам. Худо нигаатон.
Саволдиҳанда:Зулфия.
Ҷавоб:
Ва алайкумуссалому ва раҳматуллоҳи ва баракотуҳу. Хоҳари азиз, шумо бояд 10-ракъат намози пешинро хонед, зеро тавре ки Шумо зикр кардед, барои комилан адо кардани намози пешин фурсат доред. Агар мабодо вақт тангӣ кунаду барои комилан адо намудани намози пешин фурсат наёбед дар он сурат метавонед, ки 4-ракъат фарзро хонеду бас. (Китоби “Ас-субҳун-нурӣ”, ҷилди 1, саҳ.154-158).
