Аввалин бор кадом оят ба Ҳазрати Пайғамбар Муҳаммади Мустафо (с) омадааст. Илтимос, суоли ман таъҷилист.

Ва алайкумуссалому ва раҳматуллоҳ. Нахустин оёте, ки ба Пайғамбар (с) фуруд омадааст, ин панҷ ояти сураи «Алақ» мебошад: «Бихон ба номи Парвардигори худ, ки офарид. Одамиро аз хуни баста офарид. Бихон. Ва Парвардигори ту Бузургвор аст. Он, ки ба дастёрии қалам илм омӯхт; одамиро он чи намедонист, омӯхт». Нузули ин оятҳо дар ғори Ҳиро дар Маккаи мукаррама воқеъ шудааст.