Домуллои гиромӣ, вақте ки наздиконам кори хаторо мекунанд, ман мегӯям, ки накун, хато аст ва зарар дорад. Аммо ӯ хуб мегӯяд ва боз аз паси кори худ мешавад. Ман борҳо огоҳ кардам, пас аз он дигар кордор нашудам. Оё ман гунаҳгор мешавам?

Ва алайкумуссалому ва раҳматуллоҳ. Бародари азиз, агар он фарде, ки амали бад мекунад, аз наздикони шумо бошад ё ин ки шумо болои вай қудрат ва масъулият доред, пас дар ин ҳолат шумо мукаллаф ҳастед, ки ӯро аз ин амали бад манъ кунед. Агар пас аз манъ кардани шумо аз он амали бад даст накашид, дар ин сурат шумо гунаҳгор намешавед, зеро масъулияти худро адо кардаед. Вале бояд саъйу кӯшиш намоед, ки бо равиши неку писандида ӯро панду насиҳат намуда, ба сӯи ахлоқи ҳамида раҳнамун кунед. Худованд ҳамаи моро ба роҳи рост ва ахлоқи неку ҳидоят фармояд.