Савол № 00890
Аз дидгоҳи дини Ислом қабр бояд чигуна канда шавад? Сабаб чист, ки дар дигар кишварҳо дигар намуд аст?
Савол:
Ассалому алайкум. Аз ҷониби як гурӯҳ ҷавонон ин суол пешниҳод шудааст: Аз дидгоҳи дини Ислом қабр бояд чигуна канда шавад? Сабаб чист, ки дар дигар кишварҳо дигар намуд аст?
Саволдиҳанда: Абдуҳамид
Ҷавоб:
Ва алайкумуссалому ва раҳматуллоҳи ва баракотуҳу. Аз нигоҳи шариат ду намуд қабр канда мешавад ва ҳар яке вобаста ба шароити ҳамон маҳал аст. Як навъи он лаҳад аст, ки дар ҳолати резиш надоштани хок канда мешавад, чунонки дар бисёр манотиқи кишварамон маъмул ва машҳур аст. Навъи дуюм шақ (бидуни лаҳад) аст, ки дар ҳолати резиш доштани хок ва нарм будани замин канда мешавад, зеро дар чунин ҳолат лаҳад кандан ғайри имкон аст. (“Хулосатул-фатово”, ҷ. 1, с. 225-227)
2017-02-20
3045
