Оё дар вақти саҷда бинӣ бояд дар замин расида бошад е не? Бисёр одамҳо меган, ки агар бинӣ дар замин расад, намоз макруҳ мешавад.

 Ва алайкумуссалому ва раҳматуллоҳ. Бародари азиз бале, дар намоз саҷда бояд бо пешонӣ ва бинӣ анҷом дода шавад. Ин ҳукм дар мазҳаби ҳанафӣ чунин шарҳ дода мешавад:

                                                        1. Ҳукми асосӣ

       Дар назди фуқаҳои ҳанафӣ воҷиб аст, ки дар саҷда пешонӣ ба замин расад.

Биниро гузоштан ҳам воҷиб аст, агар узр набошад.

Яъне саҷдаи комил чунин аст:

Пешонӣ, бинӣ, ду даст, ду зону ва нӯги ду по. Инҳо ҳафт узви саҷда мебошанд.

2. Далели ҳадис

        Аз Ибни Аббос (р) ривоят шудааст, ки Паёмбар ﷺ фармуданд:

        «Ман амр шудаам, ки бар ҳафт устухон саҷда кунам: бар пешонӣ (ва бо дасташ ба бинӣ ишора кард), ду даст, ду зону ва нӯги ду по»

(Ривояти Бухорӣ ва Муслим)

                                         3. Агар бинӣ ба замин нарасад

       Фуқаҳои ҳанафӣ мегӯянд: Агар танҳо пешонӣ ба замин расад - намоз дуруст аст, вале макрӯҳ мешавад.

       Агар танҳо бинӣ ба замин расад ва пешонӣ не бе узр намоз фосид мешавад

      Беҳтарин ва суннат: ҳарду — пешонӣ ва бинӣ ба замин расанд.