НБО Роғун - таъмини истиқлолияти энергетикии кишвар, нури саодат дар ҳар хонадон, шуълаи умеду орзуи ҳар сокини сарзамин аст.

Бо касби истиқлолияти давлатӣ Ҳукумати Ҷумҳурии Тоҷикистон дар самти расидан ба рушди устувор дар тамоми соҳаҳо, хусусан соҳаи энергетика корҳои назаррасеро ба марҳилаи иҷро даровард. Баъд аз истиқлолияти давлатӣ кишвари мо рушду нумӯ намуд.

Имрӯз халқи тоҷик дар остонаи расидан ба ормони миллӣ-оғози фаъолияти нерӯгоҳи барқи обии “Роғун” қарор дорад. Нерӯгоҳе, ки фаъолияташ ҳамагӣ чанд соле пеш барои бархе афсонае беш набуд.

Беш аз 21 сол мешавад, ки мо дар фазои сулҳу оромӣ ҳаёт ба сар мебарем ва баҳри пешрафту тараққиёти кишвар саъю кӯшиш дорем. Бо фазли Худованд Пешвое дорем, ки ҳама талошҳо ва ҷонфидоиҳояш барои осудаҳолии мардум равона гаштааст.

Чанд рӯзест, ки тамоми мардуми Тоҷикистони азиз аз кӯдакону наврасон сар карда, то пирони рӯзгордида ҳама омодагӣ дида истодаанд. Омодагӣ ба ҷашни деринтизоре, ки орзуи деринаи халқи меҳнатқарини тоҷик буд.

Боиси хушнудиву нишот ва сарфарозиву ифтихор аст, ки Тоҷикистони маҳбубу муқаддас имрӯзҳо таҳти сарвариву раҳнамоии инсони нексиришт ва дурнигар Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон роҳи рушди босуботро пеша намуда, нақшаву барнома ва ҳадафҳои давлатдории навини миллӣ ба сӯи ояндаи дурахшон мушаххасу муайян гардидаанд. Хушбахтона, имрӯзҳо дар саросари кишвари азиз дар партави Фармони Президенти кишвар муҳтарам Эмомалӣ Раҳмон омодагиҳои сазовор ба истиқболи 30-солагии Истиқлолияти давлатии Ҷумҳурии Тоҷикистон идома ёфта, дар ин раванд корҳои ободониву созандагӣ ва бунёдкориҳо бомаром ҷараён дорад.